Հօգուտ Ասադի կքվեարկի սիրիացիների 75 տոկոսը

Եթե Սիրիայի նախագահ Բաշար Ասադը որոշի 2014-ի նախագահական ընտրություններում առաջադրել իր թեկնածությունը, նրա օգտին կքվեարկի սիրիացիների 75 տոկոսը: Ըստ ИТАР-ТАСС-ի` այդ մասին այսօր տեղեկացրել է լիբանանյան «Ալ Մանար» հեռուստաալիքը` ներկայացնելով ԱՄՆ Կենտրոնական հետախուզական վարչության զեկույցներից տվյալներ:

Ըստ ԿՀՎ-ի զեկույցների` Ասադը կարող է նախագահել երկրում մինչեւ 2020 թվականը: Նման եզրակացություն է արվել Սիրիայում արված հարցումների հիման վրա:

Լիբանանյան հեռուստաալիքը նաեւ տեղեկացնում է, որ, ամերիկյան հետախուզության տվյալներով, Ասադի հեղինակությունը երկրում մեծանում է սիրիական բանակի հաջողությունների շնորհիվ: