Թուրքիայում սիրիացիների թիվը կարող է հասնել 5 միլիոնի

Թուրքիայում Մարդու իրավունքների հանձնախմբի հրապարակած «Սիրիացիները Թուրքիայում» տեղեկագրի համաձայն` 10 տարի հետո երկրում ապաստանած սիրիացիների թիվը կարող է հասնել 5 միլիոնի:

Ըստ CNN-ի` տեղեկագրի համաձայն` սիրիացիների միայն 6,69%-ն է ապրում հատուկ նրանց համար նախատեսված ճամբարներում, մյուսները բնակություն են հաստատել Թուրքիայի բոլոր նահանգներում:

Թուրքիայում ապրող սիրիացիներից ոմանք դարձել են Թուրքիայի քաղաքացի, ոմանք` ներդրումներ կատարել և աշխատավայրեր բացել:

Տեղեկագրի համաձայն` անգամ վերջնական խաղաղության հաստատման դեպքում սիրիացիներից շատեր շարունակելու են մնալ Թուրքիայում, հետևաբար` իշխանությունները պետք է համապատասխան ծրագրեր և օրենքներ մշակեն: Առաջարկներից մեկը թուրքերենի ուսուցումն է և բնակարանների կառուցումը: