Վիճաբանության ժամանակ Սամվելը դանակով հարվածել է Տիտալին

Մայիսի 27-ին, ժամը 21.00-ին, հիվանդանոցից ոստիկանության Նաիրիի բաժնում հաղորդում է ստացվել, որ «աջ և ձախ ուսագլխերի ներսի հատվածի կտրած-ծակած վերքեր, գլխի հետևի ձախ հատվածի քերծված վերք» ախտորոշմամբ բուժօգնություն է ցուցաբերվել 1970 թ. ծնված Տիտալ Մ.-ին, որը հայտնել է, որ իրեն դանակով հարվածել են:

Մեկնած օպերատիվ խումբը պարզվել է, որ նույն օրը, ժամը 20.30-ի սահմաններում, Նոր Հաճն քաղաքի Թումանյան փողոցի 3-րդ շենքի բակում, ծեծկռտուքի վերածված վիճաբանության ժամանակ, 1966 թ. ծնված Սամվել Դ.-ն դանակով հարվածել է Տիտալ Մ.-ին՝ պատճառելով վնասվածքները:

Ժամը 22.00-ին Սամվել Դ.-ն բերման է ենթարկվել ոստիկանության Նոր Հաճնի բաժանմունք և տվել խոստովանական բացատրություն:
Հանցագործության գործիք դանակը վերցվել է:

Նշանակվել են դատաբժշկական և դատաքրեագիտական փորձաքննություններ:
Կատարվում է քննություն: