Սիրիայից «Հըզբոլլահ» շարժման ստորաբաժանումների դուրս բերումը չի քննարկվում

Սիրիայից իրանական միավորումների և լիբանանյան «Հըզբոլլահ» շարժման ստորաբաժանումների դուրս բերումը չի քննարկվում: «Այդ թեման վերաբերում է Սիրիայի ինքնիշխանությանը: Մենք թույլ չենք տա ոչ ոքի բարձրացնել այդ հարցը»,- РИА Новости-ի հետ զրույցում ասել է Սիրիայի ԱԳՆ ղեկավարի տեղակալ Ֆեյսալ Միկդադը:

Նա հիշեցրել է, որ ռուսական և իրանական ռազմական խորհրդատուները և «Հըզբոլլահ»-ի ուժերը գտնվում են Սիրիայում երկրի կառավարության հրավերով և գործում Սիրիայի իշխանությունների հետ համակարգված:

Ավելի վաղ ԱՄՆ պետքարոտւղար Մայք Պոմպեոն ներկայացրել էր Իրանին ուղղված` ԱՄՆ-ի նոր պահանջները: Մասնավորապես` ԱՄՆ-ը պահանջում է դադարեցնել աջակցությունը «Հըզբոլլահ»-ին, ինչպես նաև դուրս բերել իրանական ուժերը Սիրիայի տարածքից: