Խուսափել առճակատումից․ ԵՄ-ն Հայաստանում ներքաղաքական գործընթացում ներառված կողմերին ուղղված կոչով է հանդես եկել

Եվրոպական Միությունը հայտարարություն է տարածել Հայաստանում ընթացող ներքաղաքական իրավիճակի մասին՝ կոչ անելով գործընթացներում ներգրավված բոլոր կողմերին, այդ թվում`  նաև իրավապահ մարմիններին ու ցույցերի մասնակիցներին` խուսափել առճակատումից:

ԵՄ արտաքին քաղաքականության ծառայության տարածած հայտարարությունում ասվում է, ո կառույցը վերահաստատում է իր աջակցությունը Հայաստանի բարգավաճող ու ժողովրդավար հասարակության կառուցմանն ուղղված ջանքերին:

«Նախկինի պես կարևոր է, որ ներգրավված բոլոր կողմերը, այդ թվում` նաև օրենքի պահպաններն ու  հավաքների և խոսքի ազատության իրենց իրավունքն օգտագործողները, խուսափեն առճակատումից, ցուցաբերեն զսպվածություն ու պատասխանատվություն, ինչպես որ եղել է վերջին օրերի ընթացքում: ԵՄ-ն շարունակում է քաջալերել բոլոր կողմերին, այդ թվում` նաև  քաղաքացիական հասարակությանը, Սահմանադրությանը համապատասխան ու  բոլոր հայերի շահից բխող նոր կառավարության ժողովրդավարական ձևավորմանն ուղղված համապարփակ երկխոսություն սկսելու հարցում»,- մանավորապես ասվում է ԵՄ արտաքին քաղաքականության ծառայության ներկայացուցիչ Մայա Կոսյանչիչի հայտարարության մեջ: