Պան Գի Մունը կոչով դիմել է ԼՂ հակամարտության կողմերին

ՄԱԿ-ի գլխավոր քարտուղար Պան Գի Մունը ԼՂ հակամարտության կողմերին կոչ է արել կատարել կրակի դադարեցման մասին պայմանավորվածություններն ու զերծ մնալ բռնությունից. հայտնում է РИА Новости-ն: Այս մասին ասվում է համաշխարհային կազմակերպության պաշտոնական ներկայացուցչի տարածած հայտարարության մեջ:

«Նա (Պան Գի Մունը) կոչ է անում  բոլոր կողմերին հարգել կրակի դադարեցման մասին համաձայնագիրը, զերծ մնալ հետագա բռնությունից և կենտրոնանալ անհապաղ լիցքաթափման և երկխոսության շարունակման վրա՝ արագ և խաղաղ քաղաքական կարգավորման հասնելու համար»,- նշվում է հայտարարության մեջ:

Գլխավոր քարտուղարը նաև  լիարժեք աջակցություն է հայտնել ԵԱՀԿ Մինսկի խմբի ջանքերին ՝ կիսելով նրա անհանգստությունը՝ վերջին օրերին հակամարտության գոտում լարվածության աճի հետ կապած: