Իրականում ընտրություններին մասնակցել է բնակիչների 15-16 տոկոսը. Ադրբեջանի ընդդիմություն

Ապրիլի 11-ին կայացած ընտրությունները չեն անցկացվել Ադրբեջանի միջազգային պարտավորությունների և երկրի Սահմանադրությանը համապատասխան: Դրանք չեն արտահայտում ադրբեջանցի ժողովրդի կամքը, օրինական չեն, և Ազգային խորհուրդը չի ճանաչում դրանց արդյունքները: Այդ մասին ասվում է Ադրբեջանի ընդդիմադիր «Ժողովրդավարական ուժերի ազգային խորհրդ»-ի հայտարարությունում: Հայտարարությունում ասվում է, որ ընտրություններն անցել են կոպիտ խախտումներով:

Նշվել է նաև, որ երկրում ոչնչացվել են ընտրությունների ինստիտուտները, չկա արդար դատական համակարգ:

Ըստ ընդդիմության`  իրականում քվեարկությանը մասնակցել է ընտրողների 15-16 տոկոսը:

Ընտրությունները չի ճանաչել նաև «Մուսավաթ» ընդդիմադիր կուսակցությունը:

Նշենք, որ գործող նախագահի Իլհամ Ալիևը հաղթել է ձայների ավելի քան 86 տոկոսով: