Առաջինը չէ, սակայն ամենատպավորիչն է. BBCTurk-ը՝ Ամստերդամում բացվելիք` Հայոց ցեղասպանության նոր հուշակոթողի մասին

Թուրքական BBC-ն արձագանքել է Նիդերլանդներում Հայոց ցեղասպանության զոհերի հիշատակին նվիրված և ապրիլի 21-ին բացվելիք հուշաքարի մասին լուրին:

Կայքը տեղեկացրել է, որ սա Հայոց ցեղասպանության զոհերին նվիրված առաջին հուշակոթողը չէ, սակայն, «ամենատպավորիչը» կլինի: Հուշակոթողի բացումը, ըստ կայքի, կլինի ավելի մասշտաբային: Նշվում է, որ հայաստանցի ճարտարապետի նախագծած և երեք մասից բաղկացած հուշաքարը կտեղադրվի Ամստերդամի Հայ Առաքելական եկեղեցու պատի մեջ: Հուշակոթողի  վրա զետեղվել են նաև հայերեն և հոլանդերեն գրություններ: 

Հուշաքարի ծախսերը կազմել են շուրջ 13 000 եվրո, որը հավաքել են տեղի հայ համայնքի ներկայացուցիչները: