Ավտովթար` Գյումրիում.կա երկու զոհ

Ապրիլի 9-ին, ժամը 21:43-ին ահազանգ է ստացվել, որ Շիրակի մարզի Գյումրի քաղաքի Երևանյան խճուղում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: 

Պարզվել է, որ Երևանյան խճուղու թիվ 25 շենքի մոտակայքում բախվել են «Opel zafira» մակնիշի 69 AN 969 (վարորդ` 1974 թ. ծնված Ա. Շ.) և «Mersedes E 211» մակնիշի 95 OO 009 (վարորդ՝ 1971 թ. ծնված Ա. Ս) պետհամարանիշերով ավտոմեքենաները. «Opel zafira» մակնիշի ավտոմեքենայի վարորդը տեղում մահացել է:

Մինչ փրկարարների` կանչի վայր հասնելը Ա. Ս.-ը տեղափոխվել է Գյումրու ԲԿ, որտեղ մահացել է:

Փրկարարները սամանազատել են տարածքը, փակել գազաբալոնի փականը, հոսանքազրկել ավտոմեքենաները և լվացել ավտոճանապարհը:

ԱԻՆ մամուլի ծառայություն