Հունաստանին մի հաշվեք, մեր նահանգներից մեկի չափ երկիր է ընդամենը. Յըլդըրըմը հեգնել է Հունաստանին

Թուրքիայի վարչապետ Բինալի Յըլդըրըմը կրթական թեմայի շրջանակներում անդրադարձել է հարևան Հունաստանին։  

Ըստ Tgrthaber-ի՝ նա նշել է, որ բարձրագույն ուսումնական հաստատություններ հաճախելու ցուցանիշով Թուրքիան երկրորդ տեղում է, իսկ Հունաստանը՝ առաջին: Այնուհետև հեգնել է Հունաստանին՝ ասելով. «Դե, Հունաստանին մի հաշվեք։ Մեր նահանգներից մեկի չափ երկիր է ընդամենը, Ստամբուլից նույնիսկ մի քիչ փոքր: Բայց դե հարևան են մեզ:  Եթե իրենց հանգիստ պահեն, ոչ մի բան չենք ասի»։

Նշենք, որ Թուրքիայի և Հունաստանի հարաբերությունները լարվել էին Էգեյան ծովում վիճելի հանդիսացող  Իմիա  կղզու պատճառով։  Հետագայում նաև  2 հույն զինվորականներ ձերբակալվել էին Թուրքիայում, ովքեր պատահմամբ հատել էին Թուրքիայի սահմանը։ Նրանք Թուրքիայի իրավապահ մարմինների կողմից մեղադրվում են լրտեսության մեջ։