Կեմերովոյի առևտրի կենտրոնի անվտանգության աշխատակիցները փակե՞լ են հրդեհից փախչող երեխաների ճանապարհը

Կեմերովոյի «Զիմնյայա վիշնյա» առևտրի կենտրոնի անվտանգության աշխատակիցները ճանապարհ չեն տվել երեխաներին, որոնք փորձել են աստիճաններով իջնել և խուսափել հրդեհից: Այդ մասին Россия 24-ի եթերում պատմել է ականատեսներից մեկը. հայտնում է  РИА Новости-ն:

Ականատեսը պատմել է, որ իր դուստրը ընկերուհու հետ բարձրացել է 4-րդ հարկ`խաղալու: Նրանք բարձրանալիս տեսել են, որ կենտրոնում հրդեհ է սկսվել և սկսել են փախչել, սակայն աստիճանների մոտ նրանց կանգնեցրել են անվտանգության աշխատակիցները և թույլ չեն տվել իջնել` ասելով, որ մյուս աստիճաններով իջնեն:

«Գնում են մյուս աստիճանների մոտ, այնտեղ նույնպես չեն թույլատրում իջնել: Այնպիսի խուճապ էր սկսվել, հրմշտոց...»,- պատմել է ականատեսը:

Նշենք, որ հրդեհի հետևանքով վերջին տվյալների համաձայն` զոհվել է 53 մարդ: