Երուսաղեմի Սուրբ Հարության տաճարը եռօրյա բողոքի ակցիայից հետո վերաբացվել է

Երուսաղեմի խոշորագույն քրիստոնեական դավանությունները փետրվարի 28-ի առավոտյան վերաբացել են Սուրբ Հարության տաճարի դռները՝ վերջ դնելով եռօրյա բողոքի ակցիային, որն ուղղված էր քաղաքապետարանի՝ եկեղեցիներից  հարկեր գանձելու որոշման դեմ. հայտնում է РИА Новости-ն:

Դա տեղի է ունեցել այն բանից հետո, երբ Երուսաղեմի իշխանությունները հարկերի սահմանման շուրջ բանակցություններ սկսելու պատրաստակամություն են հայտնել:

Եկեղեցական առաջնորդները տարածած հայտարարությունում շնորհակալություն են հայտնել երկրի կառավարության ղեկավար Բինյամին Նեթանյահուին՝ «կառուցողական միջամտության» համար:

Իսրայելը համաձայնել է զիջման գնալ ևս մի վիճահարույց հարցում և սառեցնել հողերի օտարման մասին օրինագիծը: