Փոխարժեքներ 05 04 2026
USD	⚊	$ 376.98
EUR	⚊	€ 435.22
RUB	⚊	₽ 4.6982
GBP	⚊	£ 498.86
GEL	⚊	₾ 139.91

կարևոր

Ուղիղ. Սրբ. Հարության տոնի Հայրապետական Պատարագ Մայր Աթոռ Սրբ. Էջմիածնում
5 ժամ առաջ Հասարակություն
«Ժառանգությունն» ընտրություններին չի մասնակցի. կաջակցեն Սամվել Կարապետյանին
16 ժամ առաջ Քաղաքական
Ովքեր պետական դավաճանություն են արել Արցախի և այլ հարցերում պետք է պատժվեն․ Նարեկ Կարապետյան
19 ժամ առաջ Քաղաքական
«ՀՀԿ-ն իրական ընդդիմությանը համատեղ պայքարի հետևյալ առաջարկություններն է ներկայացնում»․ Սերժ Սարգսյան
19 ժամ առաջ Քաղաքական
«Հայաստան» դաշինքը հրավիրում է երիտասարդներին հանդիպման
19 ժամ առաջ Հասարակություն
«Պատերազմ բերել եք միայն դո՛ւք, իսկ պատերազմ բերողը պետք է հնձի իր ցանածը՝ նվազագույնը իշխանափոխությամբ»․ Սերժ Սարգսյան
19 ժամ առաջ Քաղաքական
Հրանտ Բագրատյանի կուսակցությունը սատարելու է «Ուժեղ Հայաստան Սամվել Կարապետյանի հետ» դաշինքին
20 ժամ առաջ Քաղաքական
Այս ամբիոնից դիմում եմ մեր գերիներին՝ «Տղե՛րք, հավատում եմ՝ հանդիպելո՛ւ ենք»․ Սերժ Սարգսյան
20 ժամ առաջ Հասարակություն
Դու պետությունը չես․ սևեռումներդ հակապետական են և անառողջ․ Լիլիթ Գալստյան
20 ժամ առաջ Քաղաքական
«Մենք հայ ենք, իսկ դուք ո՞վ եք, դուք Հայոց ցեղասպանությունը կասկածի տակ դնող եք» Սերժ Սարգսյան
21 ժամ առաջ Քաղաքական

1183 դիտում,

6 ժամ առաջ - 2026-04-05 09:59

Հասարակություն

Մայր Աթոռ Սուրբ Էջմիածնում մատուցվել է Սուրբ Հարության Ճրագալույցի պատարագը․ կատարվել է Սուրբ Հարության Տնօրհնեք

Ապրիլի 4-ին՝ Ավագ շաբաթ օրը երեկոյան, մեր Տեր և Փրկիչ Հիսուս Քրիստոսի Հրաշափառ Սուրբ Հարության տոնի առիթով, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, Միածնաէջ Մայր Տաճարում մատուցվել է Սուրբ և Անմահ Պատարագ: Այս մասին հայտնում են Մայր Աթոռից։

Պատարագիչն էր Մայր Աթոռի Արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանը: Մինչ Սուրբ Պատարագը կատարվել է Ճաշու երրորդ ժամերգությունը, ապա կարդացվել են սուրբգրային ընթերցվածքներ, որից հետո Մայր Աթոռի չորս միաբան սարկավագներ ընթերցել են Դանիել մարգարեի թուղթը:

Սրբազան արարողությանը ներկա էին Գերագույն հոգևոր խորհրդի անդամներ, Մայր Աթոռի բարերարներ, քաղաքական-հասարակական գործիչներ և բազում ուխտավոր հայորդիներ:

Նաթան արքեպիսկոպոսը, իր քարոզում անդրադառնալով Տիրոջ Հարության խորհրդին, ընդգծել է.

«Հարությունը վկայեց, որ մահը վերջը չէ, այլապես ինչպե՞ս պիտի արժևորվեր կյանքը։ Քրիստոնեությունը հաստատեց, որ մարդուն կյանքի տարիները տրվում են ոչ թե վատնելու, այլ որպեսզի մարդը իր հավիտենական կյանքի ճանապարհը կերտի։ ․․․Աստված իր միածին որդուն ուղարկեց աշխարհ ոչ թե դատելո՛ւ, այլ փրկելո՛ւ, ոչ թե պատժելու, այլ ճանապարհը ցույց տալու փրկության»։

Վերջում, Պատարագիչ Սրբազանը դիմելով ներկաներին, մաղթել է, որ Տիրոջ Հարության լույսը մշտապես հովանի լինի մեր ազգի աշխարհասփյուռ զավակներին և մեր հայրենիքին, որպեսզի Հարության շնչով ընթանանք հավիտենության ճանապարհով։

«Հիսուս Քրիստոսի Հարության ավետիսով մենք մեր աղոթքն ենք վերառաքում Հարուցյալ Փրկչին, որպեսզի մեզ բոլորիս տա հավատք և զորություն և կարողանանք այս երկրի վրա կերտել այն դրախտը, որը կդառնա յուրաքանչյուրիս հավիտենական կյանքի ճանապարհը», - նշել է Նաթան արքեպիսկոպոսը։

Սուրբ Պատարագի ավարտին Ամենայն Հայոց Կաթողիկոսը բարձրացավ Սուրբ Խորան և Սուրբ Սեղանի կանթեղից վառեց Տեր Հիսուս Քրիստոսին խորհրդանշող կենսատու մոմը, որը բաշխվել է հավատացյալներին:

Պատարագի սրբազան արարողությունից հետո Մայր Աթոռի միաբանությունը մեկտեղվեց Վեհարանում, ուր, նախագահությամբ Հայոց Հովվապետի, կատարվել է Սուրբ Հարության Տնօրհնեք: