Մշակել մարզերի, համայնքների խորհրդանիշերի ընդհանուր միասնական պահանջներ. հանձնարարական

ՀՀ մարզերը և համայնքները համապատասխան որոշումներով ընդունում են իրենց խորհրդանիշերը: Վարչապետի այսօրվա հանձնարարականներից մեկը վերաբերում էր դրանց: Վարչապետի խոսքով` գործող օրենսդրությամբ սահմանված չեն նման խորհրդանիշերի մշակման ընդհանուր միասնական պահանջները, որի արդյունքում էլ դրանք իրենց կառուցվածքով և կարգավիճակով չեն համապատասխանում գործնականում ձևավորված և ընդունված կանոններին: Ներկայումս դրանք ամբողջությամբ թողնված են մարզպետարանների, իսկ համայնքների դեպքում` ավագանիների հայեցողությանը:

Հաշվի առնելով դա` վարչապետը հանձնարարեց մշակույթի նախարարին ու մարզպետերին` երկամսյա ժամկետում ուսումնասիրել և կառավարության աշխատակազմին ներկայացնել մարզերի ու քաղաքների խորհրդանիշերի, ձևաթղթերի և անհատականացման մի շարք այլ միջոցներին ներկայացվող պահանջների սահմանման վերաբերյալ առաջարկություններ:

«Իրականում այստեղ շատ խայտաբղետ պատկեր ունենք»,- ասաց Կարեն Կարապետյանը: