Ինչ կառուցողական հարևան ունենք. Արտակ Բեգլարյան

Արցախի պետական նախարարի խորհրդական Արտակ Բեգլարյանը իր թվիթերյան էջում գրառում է կատարել երեկ ղարաբաղա-ադրբեջանական սահմանին տեղի ունեցած ադրբեջանական սադրանքի մասին: Հիշեցնենք, որ երեկ,  հակառակորդը ժամը 14:50-ի սահմաններում, արցախա-ադրբեջանական հակամարտ զորքերի շփման գծի հյուսիսային հատվածում դիմել է հերթական սադրանքի՝ անօդաչու թռչող սարքից հայ դիրքապահների ուղղությամբ կիրառելով ականանետի արկ:

«Կրակովյան հանդիպումից հետո Բաքուն կիրառում է վստահության մեխանիզմները: Ադրբեջանական անօդաչու սարքը ականանետ է կիրառել հայկական դիրքերի ուղղությամբ, բարեբախտաբար, զոհեր չկան: Ինչպիսի կառուցողական հարևան ունենք, ես արդեն «վստահում եմ»  Ադրբեջանին»,- հեգնական գրառում է կատարել Արտակ Բեգլարյանը: