Լիճքի պղնձի հանքավայրում ծանրաքաշ մեքենան շուռ է եկել, վարորդը՝ զոհվել

Այսօր՝ դեկտեմբերի 14-ին, արտակարգ ու ողբերգական դեպք է տեղի ունեցել Սյունիքի մարզում։ Այս մասին հայտնում է shamshyan.com կայքը: Ժամը 14։00-ի սահմաններում դեռևս անհայտ պայմաններում Մեղրիի տարածաշրջանի Լիճքի պղնձի հանքավայրում «Բելազ» մակնիշի ավտոմեքենայի՝ գլխիվայր շրջվելու հետևանքով քաղաքացի է մահացել։

Ոստիկաններն ու քննիչները պարզել են, որ մահացածը Քաջարան քաղաքի բնակիչ՝ 64-ամյա Վաչիկ Սարգսյան էր, ով աշխատում էր նշված հանքավայրում։

Ոստիկանների կանչով դեպքի վայր են ժամանում Արտակարգ իրավիճակների նախարարության Փրկարար ծառայության Սյունիքի մարզային հրշեջ-փրկարարական ջոկատը, որպեսզի փրկարարները բեռնատարի՝ դարձի բերելուց հետո կարողանան տակից դուրս բերել դին։

Մանրամասն՝ սկզբնաղբյուրում: