Գնաճի նորմալ, բնականոն վիճակը 4 տոկոսն է, մեզ մոտ այն 0,7 տոկոս է. Վարդան Արամյան

Կառավարության նիստից հետո ֆինանսների նախարար Վարդան Արամյանը լրագրողների հետ զրույցում անդրադարձավ գնաճին: Նրա խոսքով՝ տարվա ընթացքում միջին գնաճը կազմել է 0,7 տոկոս, ինչը բարձր ցուցանիշ չէ: Ըստ Արամյանի` զարգացած երկրները թիրախավորում են 3 տոկոս գնաճ և ոչ թե 0-ին մոտ գնաճը:

«Ցածր գնաճը խժռում է տնտեսական պոտենցիալը, դա վտանգավոր է: Այնպես որ` 0-ին մոտ գնաճը վտանգում է տնտեսությունը: Գնաճի նորմալ, բնականոն վիճակը 4 տոկոսն է, և դա ունի ակադեմիական հիմնավորում»,- ասաց նախարարը:

Որպես սպառող` Վարդան Արամյանը չի զգում, որ  առաջին անհրաժեշտության ապրանքների գները բարձրացել են: Ըստ նրա` մսինն ու կարագինը, իհարկե, հարաբերականորեն բարձրացել են, բայց կան շատ ապրանքներ, որոնց գինը նվազել է: