ՌԴ և ԱՄՆ միջև հարաբերությունները դուրս չեն եկել ճգնաժամից.Պուտին

ՌԴ նախագահ Վլադիմիր Պուտինը հայտարարել է, որ վերջին գագաթաժողովին ԱՄն նախագահի հետ հանդիպման չկայանալը վկայում է այն մասին , որ երկու երկրների հարաբերությունների ճգնաժամը դեռ պահպանվում է:

Միևնույն ժամանակ Պուտինը կարճ հանդիպումը Թրամփի հետ նույն գագաթաժողովի ժամանակ հաջող է անվանել: «Մենք խոսել ենք, շփվել: Ընդհանուր առմամբ, ինչ ցանկացել ենք, այն էլ քննարկել ենք»,- ասել է Պուտինը լրագրողների հետ զրույցում:

Դոնալդ Թրամփն իր հերթին ասել է, որ գագաթաժողովի ժամանակ երկու երեք անգամ կարճ հանդիպումներ է ունեցել Պուտինի հետ: Նա նաև ասել է, որ այդ կարճ հանդիպումների ժամանակ Պուտինը հերքել է Ռուսաստանի միջամտությունը ԱՄն նախագահական ընտրություններին: