Եթե Ադրբեջանը դուրս գա Եվրոպայի խորհրդից, մեր կյանքում ոչինչ չի փոխվի. Ալիև

Երեկ տեղի է ունեցել Ադրբեջանի նախագահ Իլհամ Ալիևի հանդիպումը  ԵՄ խորհրդի անվտանգության և քաղաքականության հարցերով կոմիտեի պատվիրակության հետ, որի ընթացքում կողմերը քննարկել են նաև Ադրբեջանի` Եվրոպական խորհրդից դուրս գալու հավանականությունը. հայտնում է АПА-ն:

Ալիևը նշել է, որ Ադրբեջանում նման նախաձեռնության մասին բարձրաձայնել են ԶԼՄ-ները, որևէ պաշտոնյա այդ մասին չի խոսել:

Այնուհետև նա բողոքել է`ասելով, որ Եվրոպայի խորհրդի Խորհրդարանական վեհաժողովում լոբբիստական խմբերը մշտապես աջակցում են Հայաստանին, իսկ Ադրբեջանի վրա` միայն հարձակվում:

«Ես ձեզ անկեծղ և ընկերաբար ասում եմ` եթե Ադրբեջանը դուրս գա Եվրոպայի խորհրդից, ապա ոչ ոք ուշադրություն չի դարձնի դրան, իսկ մեր կյանքում ոչինչ չի փոխվի: Մենք դրանից ո'չ կհարստանանք, ո'չ էլ կաղքատանանք»,- ասել է Ալիևը: