Կադիրովը չեչեններին արգելել է ամուսնալուծվել

Չեչնիայի ղեկավար Ռամզան Կադիրովն իր ենթականերից պահանջել է աշխատել այն ուղղությամբ, որ բոլոր ամուսնալուծված զույգերը միավորվեն. հայտնում է svpressa.ru-ն: Նշվում է, որ մեկուկես ամսվա ընթացքում հաջողվել է միավորել մոտ 1000 ընտանիք:

Կադիրովի հրահանգով` Չեչնիայում ստեղծվել է ամուսնական-ընտանեկան հարաբերությունները ներդաշնակելու շտաբ, որում ներառված են պաշտոնյաներ և իսլամի աստվածաբաններ: Նրանց հիմնական նպատակն է հաշտեցնել ամուսնալուծված զույգերին և միավորել ընտանիքը:

Ուշագրավ է, որ ամուսանալուծության ժամկետը կարևոր չէ, դա կարող է տեղի ունեցած լինել 1 տարի կամ 7 տարի առաջ:

Ստեղծվել է նաև թեժ գիծ: Ամուսնալուծվածները կարող են զանգահարել և օգնություն խնդրել:

Տեղեկության համաձայն` լինում են դեպքեր, երբ կինը վերադառնում է ամուսնու մոտ, որը երկրորդ անգամ է ամուսնացել: Այդ դեպքում նա դառնում է երկրորդ կին: