Երեխա ունեցած տղամարդուն թույլ չեն տվել ամուսնալուծվել

ԱՄՆ Արիզոնա նահանգի դատարանն իր որոշմամբ թույլ չի տվել կնոջից բաժանվել տրանսգենդեր Թոմաս Բիթին, ով հղիացել ու երեք երեխա է ունեցել:

Բիթին, ով ի ծնե կին է, տղամարդու տեստոտերոն հորմոն սկսել է ընդունել 1979 թվականին, իսկ 2002-ին վիրահատական միջամտությամբ հեռացրել են կաթնագեղծերը: Գաղտնի պահելով իր իսկական սեռը, նա ծննդյան մասին նոր վկայական է հանել և փաստթղթերով էլ դարձել է տղամարդ:

ВВС-ին հայտնում է, որ 2003-ին ԱՄՆ Հավայա նահանգում, որտեղ միասեռական ամուսնությունները թույլատրվում են, ամուսնանում է: Ավելի ուշ պարզվում է, որ կինը երեխա ունենալ չի կարող, և նա ինքն է որոշում երեխաներ ունենալ: Առաջնեկին ծնում է 2008-ին:

Դատարանը որոշել է, որ Բիթիի նախկինում տղամարդ լինելու վերաբերյալ ապացույցները բավարար չեն: Մյուս կողմից էլ` Արիզոնայում միասեռաքկան ամուսնություններն ընդունելի չեն, հետևաբար` նրա ամուսնությունն էլ իրական չի համարվում: Իսկ եթե չի ընդունվում ամուսնության փաստը, հետևաբար` ամուսնալուծելու հիմքեր էլ չկան:

Այժմ 39-ամյա Բիթին ցանկանում է ամուսնալուծվել` ներկայիս ընկերուհու հետ ամուսնանալու համար: Բիթին պատրաստվում է բողոքարկել դատարանի որոշումը: