Infiniti-ն Հաղթանակ կամրջի ճաղավանդակները տապալել եւ ընկել է ձորը. կան զոհ ու վիրավորներ

Այսօր՝ օգոստոսի 30-ին, խոշոր ու ողբերգական ավտովթար է տեղի ունեցել Երևանում. հայտնում է Shamshyan.com-ը:

«Ժամը 04:40-ի սահմնաններում Infiniti F X 35 մակնիշի 33 SZ 733 համարանիշի ավտոմեքենայի վարորդը Հրազդան մարզադաշտից դեպի Հաղթանակ կամրջի ուղղությամբ ընթանալիս դուրս է եկել ճանապարհի երթևեկելի գոտուց, բախվել բետոնե հատվածին, այնուհետև տապալել կամրջի երկաթե հենասյուներն ու ճաղավանդանկները և մոտ 40 մետր գլխիվայր շրջվելով՝ հայտնվել ձորում:

Վթարի հետևանքով 3 հոգի տեղափոխվել են հիվանդանոցներ, որտեղ վիրավորներից մեկը, գիտակցության չգալով, մահացել է:

Ոստիկանաթյունն ու քննչական բաժինը պարզում են մահացածի, վարորդի և վիրավորների ինքնությունը»,- կարդում ենք կայքում: