Կառավարության 3 որոշմամբ դպրոցներ են խոշորացվում

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց «Փարաքարի հիմնական դպրոց» պետական ոչ առևտրային կազմակերպությունը վերակազմակերպելու և գույք հետ վերցնելու մասին որոշումը, որով լուծվում է երեք դպրոցներից 2-ը միավորման հարցը: Մեկ այլ որոշմամբ միաձուլվում են Կոտայքի մարզի Փյունիկի և Արտավազի միջնակարգ դպրոցները, որտեղ սակավ է աշակերտների թիվը: Առաջարկները ստացվել են հենց տեղերից: Երրորդ որոշմամբ հաստատվեց Զովաշեն և Հատիս գյուղերի դպրոցների միավորման հարցը:

Վարչապետը հավելեց, որ ուսումնասիրությունները ցույց են տվել, որ կա սարսափելի տատանում` մեկ աշակերտի վրա ծախսվող գումարի հետ կապված` 80 հազար դրամից մինչև 7 միլիոն դրամ: Տարբերվում է նաև դպրոցների ծանրաբեռնվածության աստիճանը, մինչդեռ հաստատուն ծախսերը մնում են նույնը: Այս ամենի արդյունքում կրթության որակը չի բարելավվում: