Եղիշեն հորաքրոջ տան բակում կանեփ էր աճեցրել

Ոստիկանության ՊՊԾ և Կումայրիի բաժնի ծառայողները հուլիսի 11-ին, ժամը 9.30-ին, Գյումրիի Ղանդիլյան և Կոմինտերնի փողոցների խաչմերուկից, թմրանյութ պատրաստելու և պահելու կասկածանքով, բերման են ենթարկել 1981 թ. ծնված Եղիշե Մ.-ին:
Անձնական խուզարկությամբ Եղիշե Մ.-ի մարզահագուստի վերնաշապիկի տակից հայտնաբերվել և վերցվել է 0.5 լ տարողությամբ ապակյա շիշ, որի մեջ առկա էր 0.5 լ անգույն, յուրահատուկ հոտով հեղուկ զանգված և 166 գ կանաչավուն, խոնավ, կանեփանման զանգված:

Եղիշե Մ.-ն հայտարարել է, որ հայտնաբերվածը պատկանում է իրեն, այն հանդիսանում է քիմիական լուծիչ և կանեփ տեսակի թմրամիջոց, որը քաղել է հորաքրոջ տան բակից: Հայտնել է նաև, որ կանեփը ցանել և աճեցրել է անձամբ՝ հետագայում ծխելու միջոցով օգտագործելու համար:

Նշանակվել է դատաքիմիական փորձաքննություն:
Նախապատրաստվում են նյութեր: