Լարվածության ստեղծման պատասխանատուն Ադրբեջանն է. Շարմազանով

Այսօր տեղի է ունեցել ՀՀԿ ԳՄ հերթական նիստը, ՀՀԿ խժոսնակ Էդուարդ Շարմազանովը նշեց, որ նիստում քննարկվել են արցախա-ադրբեջանական շփման գծում տիրող իրավիճակը, վերջին զարգացումները, ներքին ու արտաքին հարցեր: Հարցին, թե ինչով կարող էր պայմանավորված լինել Ադրբեջանի վարքագծի ագրեսիվությունը վերջին օրերին, Շարմազանովը նշեց, որ կան տարբեր կարծիքներ: Այդ վարքագիծը կարող է կապ ունենալ Համբուրգում «Մեծ քսանյակ»-ի գագաթաժողովի անցկացման հետ:

«Ես գտնում եմ, որ Ադրբեջանի ապակառուցողական վարքագիծը պայմանավորված է բանակցություններում նրա` փակուղում հայտնվելու փաստով: Ադրբեջանը չի կարողանում իր մեջ քաղաքական կամք գտնել իրականացնելու Սանկտ-Պետերբուրգի ու Վիենայի պայմանավորվածությունները` արհեստական լարում մտցնելով շփման գծում: Իսկ զոհերի պատասխանատուն Ադրբեջանի քաղաքական ղեկավարոթյունն է»,-ասաց նա: Շարմազանովի խոսքով` շփման գծում լարվածության միակ պատասխանատուն Ադրբեջանն է, և միջազգային հանրությունը պետք է պահանջի Ադրբեջանից, որ նա ստանձնի վստահության մեխանիզմների ներդնումը: