Մաքսիմկա լճում ջրահեղձ եղած հայ ընտանիքին կհուղարկավորեն Կրասնոդարի երկրամասում

ՌԴ Չելյաբինսկի մարզում ավարտվել են Մաքսիմկա լճում խեղդված վերջին անձի որոնումները. հայտնում է 1obl.ru կայքը:

Կայքը մանրամասնում է, որ այնտեղ հուլիսի 2-ին երեք ընտանիք զրկվել է ամուսիններից և երեխաներից: Կանանցից մեկը զրկվել է  ամուսնուց և երկու որդիներից՝ 2-ամյա Արսենից և 15-ամյա Արտյոմից: Նրա ամուսինն ափից նետվել է օգնության և չի կարողացել օգնել: Հարազատների խոսքերով՝ ընտանիքը վաղուց արդեն պատրաստվում էր Չեսմայից տեղափոխվել Կրասնոդարի երկրամաս, նրանք այնտեղ տուն էին կառուցել: Ընտանիքի բարեկամ Մամիկոն Օսիպյանը պատմել է, որ հուղարկավորությունը կկայանա Կրասնոդարում: 

Նշվում է, որ կինն այժմ շոկային վիճակում է, չի կարողանում խոսել: Նա, փոքր որդուն գրկած, լողալով ափ էր հասել, բայց ափին որդին արդեն չէր շնչում:

 Զոհվածների մասին գործընկերները, համագյուղացիները, ծանոթները լավ կարծիքի են: Նրանց խոսքով` զոհվածները բարի էին, դաստիարակված և աշխատասեր:

Նավակում եղած անձանց անունները` այստեղ: