Թեհրանում վնասազերծվել է ևս մի ահաբեկչական խումբ

Այսօր Թեհրանում ահաբեկիչները նախատեսել էին իրականացնել եւս մի ահաբեկչական գործողություն: Այս մասին տեղեկացնում է «Ալիք» թերթը` ԻՍՆԱ-ին հղումով:

Իրանի ազգային անվտանգության նախարարության հակահաբեկչական բաժնի ղեկավարը գործակալությանը հայտնել է, որ Թեհրանում նախապատրաստվող ևս մեկ ահաբեկչական գործողությունը չեզոքացվել է անվտանգության ուժերի կողմից: Ահաբեկչական խմբի բոլոր անդամները վնասազերծված են:

«Ալիք»-ը նաև հաղորդում է, որ ժամը 13:15-ի դրությամբ խորհրդարանի տարածքից հիվանդանոց է տեղափոխվել 13 վիրավոր: Նրանցից երեքն այս պահին վիրահատվում են, իսկ մեկը, դժբախտաբար, մահացել է:

Ահաբեկչական երկու գործողություններից տուժածների ընդհանուր թիվը հասնում է 35-ի: