Մտադիր ենք ուժեղացնել ակադեմիան. Արթուր Սողոմոնյան

Այսօր տեղի ունեցավ «Փյունիկ» ակումբի նոր սեփականատեր Արթուր Սողոմոնյանի մամուլի ասուլիսը, որի ընթացքում խոսեց ակումբի ձեռք բերման և առաջիկա ծրագրերի մասին:

«Ցանկանում եմ շնորհակալություն հայտնել ակումբի նախկին սեփականատերերին: «Փյունիկ»-ը միշտ լավ ֆուտբոլիստներ է տվել՝ Հենրիխ Մխիթարյան, Էդգար Մանուչարյան, Գևորգ Ղազարյան:  Անվճար եմ ձեռք բերել ակումբը: Չեմ կարող կոնկրետ թիվ ասել, բայց մոտավորապես՝ 1-2 մլն եվրո ներդրում կունենանք տարեկան:  Որպես ֆուտբոլասեր եւ հայրենասեր մարդ տեսնում եմ, թե ինչ է կատարվում հայկական ֆուտբոլում:Շատ երկրների թիմեր խաղում են Եվրոպայի լիգայում, մենք դեռ չենք կարողանում:  Սիրողական մակարդակով ֆուտբոլային շատ հանդիպումներ եմ կազմակերպել,բայց պրոֆեսիոնալ ֆուտբոլում դեռ նորեկ եմ, սակայն ֆուտբոլային մեծ շրջապատ ունեմ:

 Շատ լավ չգիտեմ մյուս թիմերի բյուջեները, բայց ակումբը ձեռք բերելիս առաջին հերթինկարևորել եմ այն, որ այստեղ կա սեփական մարզաբազա: Մտադիր ենք ուժեղացնել ակադեմիան, հրավիրել լեգիոներներ»,-ասաց Սողոմոնյանը:

  Հարցին, թե ՀՖՖ նախագահ Ռուբեն Հայրապետյանը որևէ կերպ կմկջամտի ակումբի հարցերին, Սողոմոսնյանն ասաց. Իհարկե, որպես ֆեդերացիայի նախագահ Ռուբեն Հայարպետյանի հետ շփում կլինի, բայց ակումբի ներքին հարցերին նա չի խառնվի:

Անդադառնալով ակումբի անվանափոխության հարցին Սողոմոնյանն ասաց. «Իսկապես, մտադիր ենք փոխել անունը, սակայն դեռ  որոշ իրավաբանական հարցեր կան:  Մի քանի տարբերակ ունենք: Շատ եմ ցանկանում, որ այն անվանվի «Արագած»: Առաջիկայում կքննարկենք մի քանի տարբերակ:

 Մենք նպատակներ ունենք առաջիկա  3-5 տարվա համար:  Սկզբանական շրջանում 3-4 լեգիոներներ կլինեն,  իսկ հետագայում կփորձենք շեշտը դնել սեփական կադրերի վրա»: