Եվրոպա լիգա. «Այաքս»-«Մանչեսթեր Յունայթեդ» հանդիպումը կսկսվի մեկ րոպե լռությամբ

Եվրոպա լիգայի խաղարկության եզրափակիչ` «Այաքս»-«Մանչեսթեր Յունայթեդ» հանդիպումը կմեկնարկի մեկ րոպե լռությամբ: Այս մասին հայտնում է ՈւԵՖԱ-ի պաշտոնական կայքը:

Թիմերը խաղադաշտ դուրս կգան սև թևկապներով. ֆուտբոլիստները հարգանքի տուրք կմատուցեն Մանչեսթերում Արիանա Գրանդեի համերգի ընթացքում տեղի ունեցած ահաբեկչության հետևանքով զոհված 22 մարդկանց հիշատակին:

Հիշեցնենք, որ Մեծ Բրիտանիայի Մանչեսթեր քաղաքի «Մանչեսթեր արենա» մարզադաշտում երեկ երեկոյան պայթյուններ են տեղի ունեցել, որոնց հետևանքով մահացել է 19 մարդ, վիրավորվել` ավելի քան 59 քաղաքացի: Ոստիկանությունը կատարվածը որպես ահաբեկչություն է որակել:

«Այաքս»-«Մանչեսթեր Յունայթեդ» հանդիպումը տեղի կունենա այսօր և կմեկնարկի Երևանի ժամանակով 22:45-ին: