Մերկելը 11 անգամ Թրամփին բացատրել է ԵՄ-ի հետ առևտրային գործարքի պայմանները. The Independent

Գերմանիայի կանցլեր Անգելա Մերկելը միայն 11-րդ անգամից է կարողացել բացատրել ԱՄՆ նախագահ Դոնալդ Թրամփին`ինչ պայմաններով Վաշինգտոնը կարող է առևտրային համաձայնագիր կնքել Գերմանիայի հետ. հայտնում է Газета.ру-ն: Այդ մասին գրում է The Independent-ը` իր աղբյուրին հղումով:

«Թրամփը 10 անգամ հարցրել է Մերկելին` կարո՞ղ է առևտրային համաձայնագիր կնքել Գերմանիայի հետ: Ամեն անգամ Մերկելը պատասխանել է, որ Գերմանիայի հետ համաձայնագիր նա չի կարող կնքել, փոխարենը կարող է կնքել ԵՄ-ի հետ: Միայն 11-րդ անգամից Թրամփը վերջապես հասկացել է»,- պատմել է աղբյուրը:

Աղբյուրի խոսքով` Մերկելի հետ զրույցից հետո ԱՄՆ նախագահը որոշել է ԵՄ-ի հետ գործարք կնքել: