Առանձնապես ցավագին չեմ տանում իմ` նախարարի պաշտոնը լքելու մասին լուրերը. Լևոն Մկրտչյան

ՀՀ ԿԳ նախարար Լևոն Մկրտչյանն առանձնապես ցավագին չի տանում իր` նախարարի պաշտոնը լքելու մասին լուրերը: Այսօր այդ մասին նա հայտնեց լրագրողներին` պատասխանելով հարցին, թե ինչպես է վերաբերվում լուրերին, որ վարչապետ Կարեն Կարապետյանը կարծես չի ուզում դաշնակցականների հետ աշխատել:

Նախարարը նշեց նաև, որ ցանկացած համակարգի համար երկու բան վտանգավոր է` շատ արագ կադրային փոփոխությունները և նույն պաշտոնին շատ երկար մնալը: «Օպտիմալը, ընդհանրապես` ընդունված պրակտիկայով, 3-4 տարին է, որի ընթացքում կարող ես արածիդ արդյունքը տեսնել: Բայց կրթության պարագայում մենք դրական մի բան ունենք, որ, ըստ էության, մեր բոլոր ծրագրերը շարունակական են /ունենք վարկային հիմնավորումներ, փոխանցումներ/, և ով էլ նախարար է նշանակվել, շարունակել է այդ քաղաքականությունը»,- ասաց Մկրտչյանը: