Freedom House-ն իր զեկույցում անդրադարձել է քառօրյա պատերազմի ժամանակ Ադրբեջանի բանակի վայրագություններին

Freedom House միջազգային իրավապաշտպան կազմակերպությունը «Անցումային երկրներ 2017» զեկույցում անդրադարձել է ապրիլյան պատերազմին:

Հայաստանի վերաբերյալ հատվածում կազմակերպությունն առանձնապես շեշտել է, որ «Ադրբեջանի անակնկալ հարձակումը դե ֆակտո Լեռնային Ղարաբաղի Հանրապետության դեմ, որն  սկսվեց ապրիլի 2-ին, ամենալայն հարձակումն էր 1994 թվականի հրադադարից ի վեր: Չորս օր տևած բախումները հանգեցրին երկու կողմերի` աննախադեպ թվով կորուստների»

Կազմակերպությունն իր զեկույցում նաև առանձնակի ուշադրության է արժանացրել այն փաստը, որ ապրիլյան դեպքերի ժամանակ Հայաստանի Հանրապետության տարածքը նույնպես կարճ ժամանակով հարձակման է ենթարկվել:

Կազմակերպությունը գրել է գերի ընկած զինվորների, խաղաղ բնակչության նկատմամբ Ադրբեջանի բանակի իրականացրած վայրագությունների մասին: