Մենք պետք է արժանի լինենք այդ հերոս տղաներին. Աղվան Վարդանյանը կատարեց իր ընտրությունը

Ցանկացած ընտրություն պարտավորություն և պատասխանատվություն է, բայց այն, որ ընտրությունների օրը համընկել է արցախյան քառօրյա պատերազմի հերոսների նահատակման օրվա հետ, մեզ թելադրում է, որ պետք է արժանի լինենք այդ հերոս տղաներին. Yerkir.am-ի հետ զրույցում ասաց ՀՅԴ ԳՄ ներկայացուցիչ և նախընտրական շտաբի պետ Աղվան Վարդանյանը, ով 05/18 ընտրատեղամասում կատարեց իր ընտրությունը:

Նրա կարծիքով` մենք պարտք ենք այդ հերոս տղաներին, ովքեր բոլորին ստիպեցին նոր աչքով նայել իրականությանը և դասեր քաղել: «Իրականում մեր վաղվա օրն այդ տղաներն են: Նրանք պարտադրում են, որ մենք կարողանանք արդար, ուժեղ Հայաստան կառուցել»,- ասաց Վարդանյանը` հավելելով, որ ինքն էլ քվեարկել է հանուն նոր սկզբի, հանուն ազատ, անվտանգ, զարգացող ու խաղաղ Հայաստանի: 

Նա նշեց նաև, որ հույս ունի` ընտրական նոր համակարգն ու տեխնիկական նոր միջոցները հնարավորություն կտան շատ ավելի վստահություն ներշնչող ընտրություն անցկացնելու:

Հարցին, թե ինչպե՞ս է գնահատում ՀՅԴ-ի շանսերը, Վարդանյանը պատասխանեց. «Բարձր»: