Մոսկվայի և Անկարայի հարաբերությունների կարգավորումն ուղղված չէ երրորդ երկրների դեմ. Լավրով

ՌԴ ԱԳՆ ղեկավար Սերգեյ Լավրովը Regional Post- Caucasus ամսագրին տված հարցազրույցում հայտարարել է, որ Մոսկվայի և Անկարայի հարաբերությունների կարգավորումն ուղղված չէ երրորդ երկրների դեմ. հայտնում է РИА Новости-ն:

Լրագրողը հետաքրքրվել է` կարող է արդյոք Հայստանը մտահգությամբ նայել ռուս-թուրքական հարաբերությունների մերձեցմանը` հաշվի առնելով Հայաստանի բարդ հարաբերությունները Թուրքիայի հետ և Թուրքիայի և Ադրբեջանի յուրահատուկ հարաբերությունները, ինչի Լավրովը պատսխանել է հետևյալը:

«Ռուսաստանի և Թուրքիայի հարաբերությունների կարգավորումը հարկավոր չէ դիտարկել որպես գործընթաց, որը կարող է վնասել այլ պետությունների: Ռուսաստանը գաղտնի օրակարգ չունի: Մենք չենք կառուցում քաղաքական կամ տնտեսական դաշինքներ, որոնք ուղղված են երրորդ երկրների դեմ և վնասում են որևէ մեկի շահերին»:

Լավրովի խոսքով` ռուսական իշխանությունները համոզված են, որ ռուս-թուրքական հարաբերությունների դուրս գալը ճգնաժամից կմեծացնի վստահությունն ու փոխըմբռնումը տարածաշրջանում: