Ադրբեջանը մի քանի օր անց «պարզել է», որ չեզոք գոտում իր 5 ծառայողի դի է թողել

«Մարտի դաշտից», ինչպես հայտնում է Ադրբեջանի ՊՆ-ն, իր 5 զինծառայողների դիերը դուրս բերելու համար «ծրագրվում է համապատասխան միջոցառում իրականացնել ԵԱՀԿ ներկայացուցչության և  Կարմիր խաչի միջազգային կոմիտեի միջնորդությամբ»:

Հիշեցնենք, որ փետրվարի 25-ին՝ ժամը 03:00-ի և 04:00-ի սահմաններում, շփման գծի միանգամից երկու` հարավարևելյան (Մարտունի) և արևելյան (Ակնա) ուղղություններով հակառակորդը, օգտագործելով ականազերծման համապատասխան տեխնիկա և հատուկ միջոցներ, ձեռնարկել է հարձակման փորձ: ՊԲ առաջապահ ստորաբաժանումները, նաև շնորհիվ տեսադիտարկման սարքավորումների, երկու ուղղություններում էլ ժամանակին հավաստանշել են ադրբեջանական ստորաբաժանումների առաջխաղացումը և, կորուստներ պատճառելով, հետ շպրտել ելման դիրքեր: Բանակի առաջապահ ուժերի պատասխան գործողությունների արդյունքում հակառակորդը տվել է զոհեր և վիրավորներ, մի քանի դիակ թողել է չեզոք գոտում: