Փոստանջյանը առաջիկայում ասուլիսով հանդես կգա

ԱԺ «Ժառանգություն» խմբակցության պատգամավոր Զարուհի Փոստանջյան չի մասնակցում «Սեյրան Օհանյան-Վարդան Օսկանյան-Րաֆֆի Հովհաննիսյան» դաշինքի ստորագրման` այսօրվա արարողությանը:

Նշենք, որ երեկ «Ժառանգություն» կուսակցության վարչությունը որոշեց ընտրություններին մասնակցել «Օհանյան-Օսկանյան-Հովհաննիսյան» դաշինքով, ինչին դեմ է Զարուհի Փոստանջյանը:

Yerkir.am-ը կապ հաստատեց ԱԺ պատգամավոր Զարուհի Փոստանջյանի հետ` ճշտելու` արդյո՞ք նա դուրս է գալու «Ժառանգություն» կուսակցությունից:

«Ես որևէ լրատվականի ներկայացուցչի հարցերին հիմա չեմ ուզում պատասխանել: Մոտ օրերս տեղի կունենա իմ ասուլիսը, և բոլոր հարցերի պատասխանները կստանաք»,- ասաց նա:

Իսկ իր ասուլիսը Փոստանջյանը նախատեսել է փետրվարի 16-ից հետո, երբ պատրաստ կլինեն բոլոր ուժերի ցուցակները: