Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 5 տարի առաջ - 2019-02-05 19:12
Արցախ

Պետք է մշակել նոր ծրագրեր. Նարինե Աղբալյանը հանդես է եկել մամուլի ասուլիսով

Պետք է մշակել նոր ծրագրեր. Նարինե Աղբալյանը հանդես է եկել մամուլի ասուլիսով

2018 թվականն ԱՀ կրթության, գիտության և սպորտի նախարարության համար եղել է ոլորտային խնդիրների ուսումնասիրության, համակարգային մոտեցման, նոր ծրագրերի նախապատրաստման տարի:

«Արցախպրես»-ի  թղթակցի  հաղորդմամբ՝  այս  մասին  այսօր՝  փետրվարի  5-ին   տեղի  ունեցած  մամուլի  ասուլիսի   ժամանակ   ասել է  ԱՀ  կրթության, գիտության  և  սպորտի  նախարար  Նարինե  Աղաբալյանը:
 
Նա     նշել  է, որ    կրթության  բոլոր   օղակներում ակտիվացել  են  աշխատանքները, այդ  թվում՝   ոլորտի խնդիրների   վերհանման  և  ուսումնասիրման, նոր   ռազմավարության մշակման:  
«Աշխատանքներ  են  տարվել    ներառական, կրթական  տեխնոլոգիաների  ներդրման, ինչպես  նաև  ուսուցիչների  վերապատրաստման,      դպրոցները    նոր  մասնագետներով համալրման և կրթական   ծրագրեր  իրականացնող    կազմակերպությունների   հետ  համագործակցության  ընդլայնման ուղղություններով»,-նշել  է   նախարարը:
Խոսելով  նախադպրոցական  կրթության  ոլորտի  մասին՝  Ն.  Աղաբալյանն  ասել է, որ  այդ  ուղղությամբ   վերջին  տարիներին  զգալի  աշխատանքներ   է  իրականացվել.  կառուցվել  են  են տասնյակ  նոր   նախադպրոցական  հաստատություններ:
«Գործող  նախադպրոցական  հաստատություններում  իրականացրել   ենք  մշտադիտարկում:   Առաջիկայում  նախադպրոցական  հիմնարկների   մասնագետների  և  դպրոցների  տնօրենների  մասնկցությամբ  նախատեսում ենք  կազմակերպել   քննարկում.    այս  գործընթացին  մասնակից  ենք  անելու   նաև   տարբեր  գերատեսչությունների»,-ավելացրել է  ոլորտի  պատասխանատուն:
 
Նա   տեղեկացրել է, որ    նախարարությունը    գյուղական  մի  շարք  համայնքներում  գործող    մանկապարտեզներին  տրամադրում  է    մեթոդական  օգնություն:  Արցախի   շուրջ   6000  երեխաներ  այսօր    ընդգրկված են  նախադպրոցական  հիմնարկներում, իսկ  ավելի  քան   3500   երեխաներ  դեռևս՝  ոչ:
 
«Պետության  միջոցները  բավարար  չեն, որ   կարճ  ժամանակահատվածում  կարողանանք    այդ   երեխաներին   ևս  ընդգրկել  նախադպրոցական  կրթության  մեջ: Դրա  համար   պետք  է   մշակել   նոր  ծրագրեր»,-հավելել   է Ն.  Աղաբալյանը:
 
Ասուլիսին   նախարարն   անդրադարձել  է    նաև   կրթության  և  սպորտի  ոլորտներին   առնչվող   մի  շարք   հարցերի  և  խնդիրների: Վերջում     Ն.  Աղաբալյանը     պատասխանել   է    լրագրողների   հարցերին:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը