Էստոնիայի նախագահը խաբեության զոհ է դարձել

Էստոնիայի նախագահ Կերստի Կալյուլայդը խաբեբայության զոհ է դարձել։ Անհայտ անձը գողացել էր նրա բանկային քարտի տվյալները և առցանց գնումներ կատարել, հայտնում է РИА Новости-ն՝ հղում անելով Postimees–ին։

«Նախագահի աշխատակազմը հունվարի 8-ին տեղեկություն էր ստացել, որ անհայտ խաբեբան ձեռք է բերել նախագահի ծառայողական բանկային քարտի տվյալները և մի քանի վճարում կատարել ամերիկյան Ross Stores խանութների ցանցից», – ասված է Postimees–ի հաղորդագրության մեջ։

Պարբերականի տվյալով՝ աշխատակազմն արագ արձագանքել է և ապացուցել, որ քարտի օգտատերը գնումները կատարելիս Էստոնիայում չի եղել։ Գործարքները լուծարվել են, քարտից հանված գումարը՝ վերադարձվել։