85-ամյա Ջինա Լոլոբրիջիտան ամուսնական խաբեության զոհ է դարձել

1950-60-ականների սեքս խորհրդանիշ, 85-ամյա իտալացի դերասանուհի Ջինա Լոլոբրիջիտան ամուսնական խաբեության զոհ է դարձել:

The Hollywood Reporter-ը գրում է, որ դերասանուհին դատի է տվել իր նախկին սիրեկանին` 44-ամյա իսպանացի Խավիեր Ռիգո ի Ռաֆոլսին, ով իբր ամուսնացել է դերասանուհու հետ 2010-ին Բարսելոնայում` միջորդ անձի միջոցով, եւ հիմա  դերասանուհու ժառանգորդն է :

Լոլոբրիջիտան վստահեցնում է, որ ինքը ոչ մի ամուսնությունից տեղյակ չէ: «Այդ ստոր, անպատիվ մարդն առանց իմ գիտության ամուսնացել է ինձ հետ` իմ ունեցվածքին տիրանալու նպատակով: Այդ կեղտոտ խաբեությունը պետք է հետաքննի միջազգային ոստիկանությունը եւ լույս սփռի այդ պատմության վրա ու բացահայտի բոլոր մասնակիցներին»,- ասել է կինոաստղը: