Շերը կմասնակցի Թրամփի երդման արարողության հաջորդ օրն անցկացվելիք քայլարշավին

Շերը մասնակցելու է Կանանց քայլարշավին, որը տեղի կունենա Վաշինգտոնում հունվարի 21-ին, այսինքն`ԱՄՆ նորընտիր նախագահ Դոնալդ Թրամփի երդման արարողության հաջորդ օրը. հայտնում է gazeta.ru-ն` ABC News-ին հղումով:

Ակցիային կմիանան նաև դերասանուհիներ Սքարլեթ Յոհանսոնը, Դեբորա Մեսինգը, Ջուլիանա Մուրը, Ամերիկա Ֆերերան և Էմի Շումերը, նաև երգչուհի Քեթի Փերին:

Կանխատեսումների համաձայն` քայլարշավին  կմասնակցի մոտ 100 հազար մարդ: Միջոցառումը նվիրված է ոչ միայն կանանց, այլ նաև տարբեր ռասաների և կրոնների մարդկանց իրավունքների պաշտպանությանը: Նման քայլարշավներ կանցկացվեն երկրի տարբեր քաղաքներում:

Թրամփի մամուլի քարտուղարը դեռևս որևէ մեկնաբանություն չի արել:

Ավելի վաղ տեղեկություն էր տարածվել, որ ամերիկացի երաժիշտ Մոբին ծիծաղել է, երբ ստացել է Թրամփի երդման արարողությանը մասնակցելու հրավերը: