Միջինասիական հետք` Ստամբուլի ահաբեկչությունում

Հունվարի 1-ին Ստամբուլի գիշերային ակումբներից մեկում ահաբեկչություն իրականացրած հանցագործը Ուզբեկստանի կամ Ղրղզստանի քաղաքացիություն ունի. տեղեկացնում է Ստամբուլի ոստիկանությունը: Թուրք իրավապահները հրապարակել են ենթադրյալ ահաբեկչի լուսանկարը. տեղեկացնում է msn.ru-ն:

39 մարդու կյանք խլած ահաբեկչության պատասխանատվությունը ստանձնել է «Իսլամական պետությունը»` նշելով, որ դա վրեժխնդրության գործողություն էր «գիշերային ակումբում, որտեղ քրիստոնյաները նշում են իրենց հեթանոս տոները»:

Հարուցված գործով ներկայումս 8 մարդ է ձերբակալվել:

Հիշեցնենք, որ հունվարի 1-ին Սանտա Կլաուսի դիմակով մարդը մտել էր Ստամբուլի Reina գիշերային ակումբը և ինքնաձիգից կրակ բացել այցելուների վրա: