Ռազմական գործողությունների վերսկսումը հնարավոր է. Վիգեն Սարգսյան

ՀՀ պաշտպանության նախարար Վիգեն Սարգսյանը հարցազրույց է տվել ռուսական Лентa.ру-ին, որի շրջանակում անդրադարձել է նաև ԼՂ հակամարտության կարգավորմանը:

Պատասխանելով լրագրողի համապատասխան հարցին` Վիգեն Սարգսյանը նշել է, որ ռազմական գործողությունների վերսկսումը հնարավոր է:

«Ցավոք, 1994թ. սկսած, Բաքուն ավելի քան 20 տարի խանգարում է խաղաղ գործընթացին: Ավելին՝ հետևողականորեն ձախողվում են ԵԱՀԿ Մինսկի խմբի համանախագահների` հակամարտության լուծման հնարավոր տարբերակներ գտնելու փորձերը: Այս տարվա ապրիլին Ադրբեջանը լայնամասշտաբ ռազմական ավանտյուրայի դիմեց Լեռնային Ղարաբաղի դեմ, որը տապալվեց: Այժմ մենք մեր աշխատանքը կառուցում ենք այն վարկածի վրա, որ ռազմական գործողությունները կարող են վերսկսվել»,- ասել է նախարարը: