Պուտինը, Թրամփը, Էրդողանն ու ԻՊ ղեկավարը՝ աշխարհի ամենաազդեցիկ մարդկանց ցուցակում

Forbes ամսագիրը ներկայացրել է ամենամյա՝ աշխարհի ամենաազդեցիկ մարդկանց ցուցակը:

Ըստ Demokrathaber-ի՝ այն արդեն 4-րդ անգամ անընդմեջ գլխավորել է ՌԴ նախագահ Վլադիմիր Պուտինը:  Երկրորդ տեղն է զբաղեցրել ԱՄՆ նորընտիր նախագահ Դոնալդ Թրամփը, երրորդը՝ Գերմանիայի կանցլեր Անգելա Մերկելը, չորրորդը ՝ Չինաստանի նախագահ Շի Ջիմպինգը, իսկ հինգերորդ տեղը՝ Հռոմի Ֆրանցիսկոս պապը:

Ուշագրավ է, որ նախորդ տարի 2-րդ տեղը զբաղեցրած ԱՄՆ նախկին նախագահ Բարաք Օբաման այս տարի հայտնվել է ցուցակի 48-րդ հորիզոնականում:

Ամենաազդեցիկ մարդկանց ցուցակի 43-րդ հորիզոնականում է Հյուսիսային Կորեայի առաջնորդ Կիմ Չեն Ընը, 44-րդում` Եգիպտոսի ղեկավար Աբդուլֆեթթահ Սիսին, 56-րդում` Թուրքիայի նախագահ Էրդողանը: Ուշագրավ է, որ նրան հաջորդում  է ԻՊ ղեկավար Էբուբեքիր Բաղդադին: