Մոսկվան ԱՄՆ-ի հետ համագործակցության շրջանակները կորոշի Թրամփի թիմի ձևավորումից հետո. Լավրով

Մոսկվան ահաբեկչության դեմ պայքարում և այլ հարցերում Վաշինգտոնի հետ արդյունավետ համագործակցության հնարավորության վերաբերյալ եզրակացություններ կանի ԱՄՆ նորընտիր նախագահ Դոնալդ Թրամփի թիմի ձևավորումից հետո: Այդ մասին հայտարարել է Ռուսաստանի ԱԳՆ ղեկավար Սերգեյ Լավրովը. հայտնում է РИА Новости-ն:

«Դոնալդ Թրամփը հաղթել է եւ այժմ իր թիմն է ձևավորում: Նա իր նախընտրական ելույթներում մի քանի հայտարարություններ է արել, որ առաջին՝ որեւէ առճակատման չի մտնի, որոնք ԱՄՆ-ի հետ կապ չունեն, երկրորդ՝ կզբաղվի առաջին հերթին ԱՄՆ տնտեսությամբ և աշխատատեղերի ստեղծմամբ, երրորդ՝ արտաքին քաղաքականության ոլորտում կզբաղվի առաջին հերթին ահաբեկիչների ոչնչացմամբ»,- ասել է Լավրովը:

Դրանից բացի, նա ընդգծել է, որ Թրամփը պատրաստակամություն է հայտնել համագործակցել բոլոր նրանց հետ, ովքեր պատրաստ են ահաբեկչության դեմ պայքարում ԱՄՆ-ի հետ փոխգործակցել, այդ թվում՝ Ռուսաստանի: