Մոսկվայի քայլերը Մի-24-ի հետ կապված միջադեպից հետո կորոշի հետաքննությունը. Զախարովա

Ռուսաստանի իշխանությունները հետաքննության արդյունքների հիման վրա հետագա քայլեր կձեռնարկեն՝ Հայաստանում խոցված Մի-24 ուղղաթիռի հետ կապված: Այս մասին նոյեմբերի 10-ին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան «Էխո Մոսկվի» ռադիոկայանին տված հարցազրույցում:

«Մենք ուշադրություն հրավիրեցինք արագ հետաքննության անհրաժեշտության վրա»,- ասել է նա:

Զախարովան նշել է, որ հետաքննությունից հետո հնարավոր կլինի խոսել այն մասին, թե ինչու է խոցվել ուղղաթիռը, և ինչպես է դա տեղի ունեցել:

Հիշեցնենք, որ ՌԴ ԱԳՆ–ն երեկ ռուսական ուղղաթիռի խոցումից հետո ադրբեջանական կողմի ներողությունը «դրական» էր գնահատել: