Ճիշտ կլինի՝ ծայրահեղ հարձակվողական քաղաքականություն չվարենք. ՀՀԿ-ական պատգամավոր

Ռուսաստանի, ԱՄՆ-ի և Ֆրանսիայի ԱԳՆ ղեկավարների՝ ԼՂ հարցի վերաբերյալ Համբուրգում արած հայտարարությունը տարբերվում էր այդ համատեքստում արված նախորդ հայտարարություններից. լրագրողների հետ հանդիպման ժամանակ ասաց ՀՀԿ-ական պատգամավոր Մկրտիչ Մինասյանը: Նրա խոսքով՝  Ջոն Էվանսի այն հայտարությունը, թե ԼՂ հակամարտության կարգավորման հարցում կարևոր է Արցախի ներգրավումը բանակցային գործընթացներում, շատ կարևոր է և նորություն է, նախորդող հայտարարություններից տարբերվող է:

«Մեր այս քաղականությունը պետք է շարունակենք, այն մեր երկրի շահերից է բխում, և ճիշտ կլինի, որ մենք ծայրահեղ հարձակվողական քաղաքականություն չվարենք»,- ասաց Մինասյանը:   

Ասուլիսի մյուս բանախոս` Գերագույն խորհրդի նախկին պատգամավոր Ազատ Արշակյանն էլ կարծիք հայտնեց, որ միջազգային հանրությունը սահմանային դեպքերի վերաբերյալ հասցեական գնահատական չի տալիս, քանի որ ներդրված չեն այն մեխանիզմները, որոնք պետք է արձանագրեն սահմանային դեպքերը: