Կառավարության ծրագիրը խորհրդարանը կքննարկի հոկտեմբերի 20-ին`արտահերթ նիստում

Ինչպես ավելի վաղ հայտնել էր yerkir.am, այսօր հրավիրվել է կառավարության արտահերթ նիստ:

Կառավարության պաշտոնական կայքի փոխանցմամբ՝ նիստի ընթացքում հաստատման է դրվելու Հայաստանի Հանրապետության կառավարության ծրագիրը, որը ներկայացնելու է ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը:

Օրակարգում ընդգրկված երկրորդ հարցը  Հայաստանի Հանրապետության Ազգային ժողովի արտահերթ նիստ գումարելու վերաբերյալ Հայաստանի Հանրապետության կառավարության նախաձեռնության մասին է, որը կներկայացնի Կառավարության աշխատակազմի ղեկավար-նախարար Դավիթ Հարությունյանը:

Ըստ որոշման նախագծի՝ ծրագիրը պետք է Ազգային ժողովում քննարկվի հոկտեմբերի 20-ին կայանալիք արտահերթ նիստում: