Քաջարան-Լեռնաձոր ճանապարհին «Ֆորդ Տրանզիտը» շրջվել է

Հայաստանի ԱԻՆ-ում, այսօր՝ հոկտեմբերի 9-ին, ժամը 00.44-ին ահազանգ է ստացվել, որ Քաջարան-Լեռնաձոր ավտոճանապարհին տեղի է ունեցել ավտովթար, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մ-2 ավտոճանապարհի Քաջարան-Կապան հատվածի 6-րդ կմ-ին «Ford Transit» մակնիշի 464 OP 61 համարանիշով (վարորդ` 36-ամյա Գ. Ա.) ավտոմեքենան ճանապարհի երթեւեկելի հատվածում կողաշրջվել է:

Մինչ փրկարարների՝ կանչի վայր հասնելը Գ. Ա.-ը տեղի ուժերով դուրս է բերվել ավտոմեքենայից եւ հոսպիտալացվել Քաջարանի ԲԿ, որտեղ բժիշկները տուժածի առողջական վիճակը գնահատել են բավարար:

Փրկարարները հոսանքազրկել են ավտոմեքենան: