Կարեն Կարապետյանն ապշած է պետական ապարատում մշակված` գողության մեխանիզմից

Այսօր կառավարության նիստում, երբ կառավարության աշխատակազմի ղեկավար-նախարար Դավիթ Հարությունյանը զեկուցում էր ավիատոմսերի գնման ոլորտում հիմնարար փոփոխությունների ու կարգավորումների մասին, որոնք կբացառեն կոռուպցիոն ռիսկերն այդ ոլորտում, Կարեն Կարապետյանը ուշագրավ դիտողություն արեց. «Հանձնարարական՝ մենք բավական բարդ մեխանիզմներ ենք ընտրելու, որպեսզի պրիմիտիվ գողությունը վերացնենք: Ձեր համակարգերում այդ ամենը պիտի կարգի բերեք: Տոմսի վրայի գողությունը… ինձ որ պատմում են՝ ինչ սխեմա է օգտագործվում ուղղակի ֆանտաստիկ է: Եթե այդ մարդիկ այդ խելքն օգտագործեին մեկ այլ տեղ, հաստատ էֆեկտը շատ ավելի լավը կլիներ»: