Ծիր Կաթինում հայտնաբերվել է տիեզերքի հնագույն ու ամենաքիչ երկաթ պարունակող աստղերից մեկը. Science Alert

Աստղագետները Ծիր Կաթինում հայտնաբերել են գրեթե 35.000 լուսային տարի հեռավորության վրա գտնվող կարմիր հսկա SMSS J160540.18–144323.1 աստղը. այն տիեզերքում հետազոտված բոլոր աստղերից ամենացածր երկաթի պարունակությունն ունի։ Այս մասին գրում է Science Alert-ը, հայտնում է Yerkir.am-ը։

Նշվում է՝ հայտնաբերված աստղը տիեզերքի ամենահին աստղերից մեկն է, որը, ամենայն հավանականությամբ, պատկանում է աստղերի երկրորդ սերնդին, ու առաջացել է 13,8 միլիարդ տարի առաջ։

«Այս աներևակայելի անեմիկ աստղը, որը, հավանաբար, ձևավորվել է Մեծ պայթյունից մի քանի հարյուր միլիոն տարի հետո, ունի երկաթի 1.5 միլիոն անգամ ավելի ցածր մակարդակ, քան Արեգակը», - պարզաբանել է աստղագետ Թոմաս Նորդլենդերը։